पंतप्रधान मोदीजींच्या वाढदिवसानिमित्त सायन कोळीवाड्यात रक्तदान शिबिर व सेवा उपक्रम
सुधाकर नाडार / मुंबई
मुंबई – पंतप्रधान नरेंद्र मोदीजींच्या वाढदिवसानिमित्त सायन कोळीवाडा विधानसभा क्षेत्राचे भाजप आमदार तमिळ सेलवन जी यांच्या वतीने पंजाबी कॉलनीतील हरिमंदिर परिसरात विशेष रक्तदान शिबिराचे आयोजन करण्यात आले.
➡️ सकाळी ९ ते संध्याकाळी ४ वाजेपर्यंत चाललेल्या या शिबिरात सुमारे ५०० कार्यकर्ते, समर्थक व नागरिकांनी उत्साहाने रक्तदान केले.
➡️ या वेळी माटुंग्याच्या माजी नगरसेविका नेहल शहा यांनीही रक्तदान करून आदर्श घालून दिला.
या कार्यक्रमाला भाजप मुंबईचे उपाध्यक्ष रवी राजा जी, माजी नगरसेविका कृष्णवेणी रेड्डी जी, मंडळ अध्यक्ष, वार्ड अध्यक्ष यांच्यासह शेकडो कार्यकर्त्यांची मोठ्या संख्येने उपस्थिती होती.
आमदार तमिळ सेलवन जी यांनी वडील नसलेल्या १५ विद्यार्थ्यांना शैक्षणिक फी भरण्यासाठी धनादेश देऊन मदत केली. तसेच हरिमंदिर रोडवर स्वच्छता मोहीम राबवण्यात आली.
शेवटी, आमदार तमिळ सेलवन जी यांनी पंतप्रधान मोदीजींच्या छायाचित्रासमोर “हॅपी बर्थडे” गाणे गाऊन केक कापला व उपस्थितांनी मोदीजींना वाढदिवसाच्या शुभेच्छा दिल्या.
